الصفحات

ننشر في هذا الموقع أشعار الشاعر الكبير عصام ملكي

تدشين الكنيسة

"المطران صليبا" كل سنه سنتو
ما بتوقف ولا يوم ماكنتو
بقول بلسان الحال يا جمهور
انتو الورد والفل والمنتور
جيتو وفرجتو قلوبنا انتو

غيار الطقس بدنا وغيار الكون 
وبدنا ما نبقى بفرد شكل ولون
بحضوركم هلق قطعتو وعد
قدّام قنصلنا ميلاد الرعد
القايم باعمال السفاره هون

بها الدعوة المتل الرساله جات
حسّبت عمّا ابصر بنامات
كلام الصحيح تفضّلو مني
هللي اجو ميات مش هني
الوفات وحياة السما الوفات

الحاضر دعا نحمي مطارحنا
وبهيك خطوه وجودنا ربحنا 
جينا تا حتى نقول بالآمين
يا سِيدنا المطران متلك مين
نحنا بأمرك كلنا نحنا

"ودكتورة" الفيها البها مشعال 
واسما "بهيه" بشوف فيها الحال
قالت الي وهيدا حكي يوصال 
هوني العيونو اليوم بدها تجول
واخرس اذا بيكون بدّو يقول
هوني التقو الاقوال والافعال

الى روح السيدة الفاضلة ايفيت فيلو باريش

«ايفيت فيلو» وعيلة الفيلو
عن كتف زحله الحمل بتشيلو
بقدم تعازي لكل اخوتها
واصحابها العاشو بمحبتها
نقلت على «باريش» بزيجتها
وكانت «بسوريا» بدايتها
ودمع النزل بوداعها كيلو
جات على سدني باخر التسعين
ومين العليها ما بيبكي مين
عيلة «الفيلو وباريش» بعزِّي
تركت بقلب قلوبهم هزه
وقت اللي هز غصونها تشرين
«اسكندر» بيقول الدمع عا خدي
للآخ عم ينظم الف ردِّه
وبكيت «غريتا» وكل عيلتها
«وارليت» كانت دم دمعتها
وولادهم بكيوا على الجده
ايفيت زوجك عا الصدر ضمِّي
بتاني دني وعواطفو شمِّي
ذكرو ما فيهم يقطعو الاولاد
قلتي لهم انو بتاني بلاد
دموع «السنا» عا خدودها وديان
ودموع جان واندرو طوفان
«وطوني» اللي هوي للوفا مشعال
لما اتصل فيي بدمعو قال
«ايفيت» هيي امك وامي

You will be mine


عصر القحط


اعطونا شعر


حدا


ندب


أصحاب بالحكي

انا بالارتجالي والكتابه
عا وزن الشعر عم أكتب كتابي
راكض ورايي عا الدرب تشرين 
يمكن ما اقدر وقّع كتابي

الجابو وجع للراس معروفين
حضوري معن عم يشبه غيابي
لا بيعرفو النؤمن ولا الآمين
وإلهم كنت عم شرّع بوابي

عمري مشي عا اليمكن وتخمين
يبرم عا ذوق الناس دولابي
علواه لو بالواحد وعشرين 
قلت لأنا تا اقبر شبابي

تركت الصداقه من عدا قوانين
اطرح بدل ما اضرب حسابي
وامشي مع الهابيل و القايين
ما افرق المهره عن الدابه

ألوفات ما عندي ولا ملايين
كيف القرش ما بيعرفو جيابي
وهلق قطعت التاسعه وسبعين
مابين يوم ويوم بدي موت
"لا تحضرو يا بعض اصحابي"


دعوة مجانية لحضور حفل توقيع الديوان الملكي الثالث والرابع