الصفحات

ننشر في هذا الموقع أشعار الشاعر الكبير عصام ملكي

الى السفير اللبناني الاستاذ ميلاد رعد


القنصل عطانـا جمـيـل منـردو
بحكم الشطاره ما انعرف حدو
همـه قويــه ربنــا عـاطيــــــه
عن سطح بيت الشعر منناديه
قلنـــا لنـــا لما الـتـقـيـنـا فـيــــــه
"بــرق ورعـد ميـلاد منعـدو"

انمـا الحقيقــه حكيت يـاويلي
بلومي عاحالـي بتطفح الكيله
عـنـدن تـلات ولاد وحيـاتـي
هني اكيــد ملايكــه تـلاتــــه
الله دخيلـو مبـارك الـعـيـلـــه

والست "رولا" الرب عاطيها
مـا فـي حـدا اهمال يـعـديـهـا
ببسماتهــا بتستقبـــل الـــزوار
وبتقـوم بـالواجـب بـاستمــرار
طـوفـان ذوق ولطفها قنطــار
وكــل المـزايــا الطيبــه فيهـا

في احتفال السفارة الاردنية في العاصمة كانبرا

اســـم السـفيره بجـونـا بيلمـع
فيـكم قــلـوب الطيبـه بتجمــع
تخمين جات من السما تخمين
ها السـيده ريما عـلاء الديـــن
 فـوق الطبيعه متـل مــا بسمع
** 
الانسـان فخرو بسمعة بــــــلادو
الاردن فلــش للكاينــــــــــه زادو
هـوي على شــفاف الزمـن مـوال
وبـركـه واصالـه ربـنــــــــا زادو

عندو ملك مـن فكرنـا مـا انشال
ومـتــلو اكــيــد بـيـطـلـعـو ولادو
وعندو حكومــه تصِّرف الاعمال
ومـا تنزِّل الفـــــارس عن جوادو

مــا في ســـعاده بتنشرى بالمال
بيجيبها الانســـــــــــــان بجهادو
بـالـمـقـدره بـتـتـرتـب الاحـــوال
وانـتـو الـوعي والــذوق اســيادو

ومــن جهتي بـدي براحــــة بــــال
قـــدم تهــانــي وقـلـكـم نــــــــــادو
لتاني دني رح يوصل المرســــــال
انــو الـلي حكيـو بـالفعــل جـــــادو

الاردن الــو افعـال مش اقـــــــوال
حــقــق  بكــــل مناسبــه مــــــرادو
بها الوقـت عـنـدو عـيــد اســـتقلال
وبميتو تـعـمـد يســــــوع الـــــــرب
تــنـعــــــاد بالخيـــــرات اعـــــيادو

الى معالي وزير الثقافة المحامي ريمون عريجي

بيت الشعر هل ما الو فساويخ
بيغزي المدى وبيصافح المريخ
وبالرغم انو كلامنا عا اصول
وتفكيرنا بارض الوطن موصول
لبنان لو ما دروع يعطينا
كنا بصراحه حالنا نسينا
وعا وجودنا ما تعرفَّ التاريخ

الست البهيه الذوق عاجنها
وعم نغرق بطوفة محاسنها
بشّد العزيمه وبصفا نيه
طلبت من الدوله اهميه
كلو لانو مخضرمه هيي
وهيي "بهيه" والبها منها

قام على عزم وجهد مشروعا
حتى الوطن عاجهدنا يوعا
اليوم بفرحنا عم مننمحي هموم
وبالحرب ضد الجهل فينا نقوم
مازال معنا قلام ودروعا

لبنان زلغط طابعو العلمي
ومنو الحرف بالكون عا علمي
منا ما في انسان مش معروف
عا الارض جينا من زمان ضيوف
وصرنا بحساب الشاعريه حروف
كلما اجتمعنا بتطلع الكلمه

ويا سيد "عريجي" بها الابيات
بقلك بأنو الشكر كميات
لبنان متلك كم حدا بدُّو
وهيهات يقشع كم حدا هيهات
صارو على الصابيع ينعدُّو
بلبنان هللي بينسمو خواجات
بسدني رفاقي عزمهم شدُّو
ولوما زنودك ما اجو شهادات
ولما الثقه عا قلبوهم ردُّو
قالو بلساني وبلسان الحال
عملنا الك بقلوبنا محلات

والى اخواني الشعراء اقول
شعار نحنا جنوننا من فنون
وللابجديه عمرنا مرهون
عا وجودنا القانون منسنوُّ
الضمه ما فينا نقول عنها سكون
الله عطانا موهبه منو
وقلنا بامرو كلنا منكون
وعن جد قالو قلوبنا انو
"ميشال كعدي" مطرحو بالبال
وعا الراس مطرح  -جورج بو انطون-

في تابين صباح وسعيد عقل

قصيدتان للشاعر عصام ملكي القيتا بمناسبة الحفل التأبيني للفنانة صباح والشاعر سعيد عقل الذي دعت اليه "جمعية انماء الشعر العامي العربي في استراليا والوطن العربي" وذلك بتاريخ 18/12/2014 في سدني استراليا 

صباح

الصرخه عبايه والوجع لتمه
ومن ها الوجود غيابنا حتمي
راحت صباح وكل واحد حد
كانت صباح الخير عم تنعد
ولما عليها الموت ايدو مد
صار الصبح بغيابها عتمه

عند المنيه بيرخص الغالي
فلتت زمنها ان قلت ما بغالي
الشعب بفلكها لاعجب بيدور
منها جانيت وبس صبح النور
اسعد الخوري عمها الشحرور
تاريخ الها عيلة فغالي

عملت صباح بموتها هزه
وكان العلا بحسابها فزه
فيها المدى بيضل يشمط طول
من قبل ما نعزي الاهالي بقول
مفروض انو حالنا نعزي
**

سعيد عقل

توفى سعيد العقل هللي عا كل لسان
بيضل اسمو وصعب تتحلق صفوفو
بسحبة خيالو اذا شاف الحرف عريان
بيبرم عا ورقه وقلم تا يلبسو ظروفو


شاعر بعرف الوحي اسمو عظيم الشان
ما كان الا جبل عا المنبر وقوفو
وما انعد بيتو حجر بيتو من الاوزان
ببسمه وبدقة قلب يستقبل ضيوفو

هوي اله الشعر متجسد بانسان
بساعة رحيلو انكتب لدموعنا يطوفو
مش بس من دون عقل صار الوطن لبنان
بيجوز صوب السما عم يرفع كفوفو

بقلوب اهل الشعر والنثر عندو مكان
عند الثقافه كبر بالعمر معروفو
ولما النهايه اجت عا قدها ما كان
ودع بدمعه الدني ولعند الله راح
هللي عا تاني دني بيروح بيشوفو

الى الدكتوره المحاميه الست بهيه ابو حمد

يــــــا ســـــت بهيـــــه بكـل حــريـــــــه
ذكــــــــــــرك معـي بيضـل يـوميـــــــه
طنـــــه عملـتي بـالـــــــدني ورنــــــــــــــه
وعنـدك مـن الاخـلاص كميـه
باحلى وصف عا طول متحني
بـــوزن الحـقـيـقـــه كـلــمتي وقيــــــــــــــه
فيــكـــي ببسـمه تسَّــفـري العـنـــــــــه
وتـا اقعـد على السكـت مـافيىي
عـــــا منـبـر التفـــــكـيـر عـــــم غــنــي
وقـــلــك بـــــــــلا تـربيـــــــح منـيـــــــــــــــــــه
وبــعــيـدهــا وبــزيـــــــــــــــــــــد وبــتــنــــــــي
يــــــــــا ريــت متـلـك عـنـدنــــا ميــه
مـــني مــن المـــا بــيــفــرحــــــو مـنـــــي
بشـــهـادة الـخــــــــدتــي بـــــــاهميـــــــــه
مـــلـــيــــــون مـــــــره بـقــــــــول تتــهــنــي
انــتــي بــهــيـــــــه والــبــهــا مــنـــــــــــك
يـــــــا ســـت دكتـــــوره ومحـاميـــــــــــــه

الى الدكتورة بهية ابو حمد

 قصيدة للشاعر عصام ملكي القيت في الحفل الذي اقامه المطران بولس صليبا  تكريما للمحامية د.بهية ابو حمد لمناسبة نيلها شهادة الدكتوراه. متمنين لها دوام النجاح والتالق. 


هالســت بـهـيـه لـلـوفــا عنــوان
بارض الغريبه مشرفه لبــــنان
مش بس دكتــوره على التاكيـد
من كـل شاعـر حاملـه نيشـــان

تكريم سيدنــا مـا هـوي جديــد
معـروف انو فضلها طــوفــــان
الخيـــــرات الها كلنـا منـريــــد
ومنــو حكـي اول شـهر نيسـان

التكريم الها اليــوم متــل العيـد
وحلــت علينا بـركـــة الايمــان
بـالمطــرانيــه بقـولها وبعـيـــد
باسيادنا الهونـي ورجال الديـن
صـار الاكل عا الطاوله قربان

إلى الأستاذ سركيس كرم


سركيس كرم بالفعل عنوان الكرم
حاضر وجودو انعدّ مش ماضي انصرَم
وصيِّة شو هوّي بالقلوب مسجّله
ومَنها بعيده يعيّطولو المحترَم
بيقدر بكلمه يحلّ أكبر مشكلِه
وها الموقع الممتاز بكلامو انغرَم
ابن الكرم والمعرفه قدرو عِلي
ولكلّ مصدر حقّ دولابو برَم
ولا شكّ مُرّ العيش بوجودو حِلي
ومن عطف الله ما بحياتو منحرَم
للصدق مرجع، للخطيّه قنبلِه
معروف إنّو كلّ ساعة ربّها
وبطلّتو منشوف يوسف بك كرم

الى الشاعر جوزيف الهاشم

يا جوزيف الهاشم على أصول
بتحكي شعر والسكت مش مقبول
المنبر عا شكلك ما عرف أبطال
يمكن إلك حرف الهجا معمول
متلك ما في انسان جال وصال
ومعلوم منّو عالمك مجهول
بقلّك أنا وهيدا حكي يوصال
للجاهلينك يا ظريف الطول
رب الشعر عنك زمانك قال
عا كل منبر كنت إلنا تقول
للأبجديه بضل عم وخال
وعن كل كلمه بقولها مسؤول
شعرك يا هاشم كان عال العال
تا يزورك النسيان مش معقول
بقول بلساني وبلسان الحال
متلك ما شاف الشعر بزمانات
يا صديق الكل يا زغلول

سركيس كرم يكتب عن الشاعر عصام ملكي

مش من زمان تعرفت عا الشاعر المخضرم الاستاذ عصام ملكي، بعد ما كنت بالسابق ألتقي فيه بقصايدو المزيني صفحات الصحف، وأفرح بأسلوبو المستحب في معالجة القضايا يللي ما بيقدر يعالجها إلا اللي بيحملوا قلم ما بيشبه بشجاعتو إلا سيف الحق، وما بيعزف بحنينو إلا ترانيم المحبة.. أكتشفت فيه هاك العاشق للكلمة المتجددي البعيدي عن التصنع والتزلف واللي بتتناول الأمور بلوحات شعرية أنرسمت بأسلوب شفاف غير تقليدي.. وجدته هاك الأنسان المفعم بالأحاسيس الوطنية والانسانية والغرامية.. كلماتو بتنبع من أعالي قمم التواضع الانساني .. من صلب ثوروية الأحلام وسحرها تا تدخل القلب والعقل وتتبادل معن مصداقية العطاء الفكري وجماليات الروح.. فتحية محبة من القلب وشكر من صميم التقدير والاحترام للشاعر الصديق الاستاذ عصام ملكي مع تمنياتنا له بطول العمر والمزيد من العطاء الشعري المرموق..

حيطان بيتي عَـز أصحابي

غـاطـط عـذابي وطـايـر صـوابي
عـا الارض بـدِّي اكـتـب كـتــابـي
قـبـل الوقـت عـا قلبها رح فــوت
تــا يـنــخـلــط بـتـرابـهـا تـــرابـي
صـايـر حديثي بالـومـا وبسـكوت
وبـالـقُـلــب عــم بـيـدور دولابــي
مربَّى ما عندي يسـاير البسكوت
تـا اطـعـم الجـوعـان عـا حسابي
مـن هـون خمسه بالفعـل ممقوت
رح جــن رح اطــلـع مـن تـيـابي
يونـان مـا بيبقى ببطـن الحــوت
انكان الســؤال بيعـرف جـوابـي
عـنـدي اذا بـيـتـغسـلو بـمـازوت 
صابــون بـعـطـيهـم مــن ركابي
بالبيـت رح ابقى تـا حـتى مـوت
مـا بحـب اني ازعــل الحـيـطـان
حـيـطـان بيتـي عَــز أصحابي.

الى الشاعرين انطوان سعاده والياس خليل

يا جوقة المسرح بحريه
وصايا العشر زدتيهم وصيه
ويا الياس يا انطون يا همام
بلاكم ليالي الكيف مش هيي
كلما انطلبتو شرفونا قوام
بترّيحونا من البزاريه
انتو على صدر الحياة وسام
ومن عندكم درب الالوهيه
يا الف يخزي العين عزُّو دام
الفيكم زرع شخصيتو وفيي
منكم بيقولو طافح الالهام
وقال الحرف عا سلامتو ليي
بالبعد عنكم كل يوم صيام
وجوع السمع هزات ارضيه
طول الوقت عم تفشخو لقدَّام
علاماتكم ميه على ميه
الكذب سايد والسفاهه كوام
وبتنطفي الانوار ليليه
جيتو عا سدني تفَّسرو الاحلام
هل عم تجي عا البال يوميه
عباس ما بدكم ولا بسام
قطبين انتو كل ساعه بقول
بتغّيرو فصول الطبيعيه