الصفحات

ننشر في هذا الموقع أشعار الشاعر الكبير عصام ملكي

الزعل عا قد المحبه

الختيار بيقللو كبر سنّو
كل ما تلف قانون تا يسنو
وقمل البراس الكل رح ربي
كنو عا بالن طالع يجنّو

واحد بيقول عليك ما بخبّي
وواحد وفي بيقول لكنّو
هوي وحبيبو بياكلو مسبّه
وكتار منهم بلّشو يعنّو

المنهم وجع للراس عم عبّي 
ما بريدهم عا الهاتف يرنّو
راسي ما بحني ولا بقا قبّي
للي بيضل يكعكر بقنّو

عندي الزعل عا قد المحبه
وكل الرفاق بيعرفو انّو
ان كنت بغلط مع حدا ما بنام
الا ما روح واعتذر منّو


رسالة شكر من سفير لبنان في كوبا الاستاذ روبير نعّوم

شاعرنا العزيز الاستاذ عصام ملكي ، 
تحية من هافانا .
أشكرك من صميم القلب على كلماتك الوجدانية المعبرة .
بكل صدق ومحبة ، أقوم بما يقدرني الرب على تحقيقه . طبعا ان الصعوبات محك الرجال ، لأن لا مجهود في الامور السهلة ، وبالتالي لا شعور بالفرح والرضى الداخليين . 
أمنيتي ان نلتقي مجددا ، شاكرا الرب لأننا التقينا وتعارفنا ، وهذه بداية وليست نهاية بشفاعة أمنا العذراء مريم .
مع مودتي واحترامي 
روبير نعوم ."
وهذه هي القصيدة التي أرسلتها لسفيرنا المحبوب:
يا سفير بلادنا المهضوم
منقول عزّك بالحياة يدوم
فهمك دني ومنّو حريرك صوف
ووين ما كنت بالحمل فيك تقوم
كوبا جميله وانت عم بتشوف
شو فيك تعمل للمصير رسوم
التأخير كان وما إجاها ضيوف
قبلك تا حتى يغيرو المفهوم
احبابك بسيدني بصراحه ألوف
ومنهم أنا ومن شوفتك محروم
من فرد عيله كلنا ومعروف
انك من العيله الكبيره هون
كلك نعومه يا روبير نعوم