الصفحات

ننشر في هذا الموقع أشعار الشاعر الكبير عصام ملكي

لعندك بجي

اصفريّت والهمات هو هني
ولما كنت رايح عا مدري لوين
تفشكلت فيي ووقعت مني
وعا لم حالي تكسرو الايدين

ما قدرت غنيكي بشعر الامس
لقيت القصيد مغير العاده
وشفت المعنى مع غياب الشمس
عم ينقل على بيت قرادي

عا طول عنك بسأل البسمه
العا شفتي حلت محل الآخ
حاجي عليكي تطملي الرسمي
بيلبس حرير الاطلسي برداخ

ما بحب الا سايرك بالهمس
بغير الهمس ما زمّر بنيي
وان كان بدك إقشعك باللمس
لعندك بجي من دون عينيي.

اعطيني جواب

وراق، وأنا، وقلام مبريه
وساعات ضجرانه من الايام
ومواسم الافكار رجعيه
وبيت القصيد بحالة استسلام

للقافيه ما قدرت دق جراس
واكتب بسفري ملاحم جديده
الاصبع بوجهي عم يكبر راس
بدو تا إفرك رقبتو بإيدي

جرّبت فصّل للظروف تياب
طلعت معي قياسات مختلفه
ولما عليي الليل دق الباب
نكزت الغفا تا فيّقو نتفه

اعطيني عطف، لا تحرميني القوت
عطشان .. كبي شفافك عليي
بلمح البصر عندي العطش بيموت
كلما عا راسو يدلق مويه

هاتي جواب ويسلمو الديات
وضبي جفاكي وعالقلب جني
جوعي لكي عم يقطع مسافات
تا يشوف كنو بتشبعي مني.



قال الظرف

ردي السلام، الرب يحميكي
ما زال همّي صاير شريكي
جنيت فيكي، والجنون فنون
وما ضلّ عندي للدموع عيون
انتي قصيده طالعه من البيت
بساعة لقاكي عقرب اليا ريت
من هيك مش عم التقي فيكي.

قال القلم

شاعر أنا والنظم توصايه
ما بكسّر الأوزان عن غايه
بكسّر عتابا وميجانا بفنون
وبالحب بكسر رقبة القانون
وجوع انتظارك بكسرو بجايي
**
قال القلم عا منبر الورقه
جايي تا سجّل بالحبر مرقه
جيبو وحي بيساقب التفكير
وصوب السما خلو الخيال يطير
ويغط عا طرابينها الزرقا.
**
خفّ النظر بخراج عينيي
وكل الدروب تمرجلو عليي
موعود إطلع عالسما موعود
لعندك يا إمي الأرض مش رح عود
مهما التراب يبوس إجريي

الشاعر عصام ملكي يرحب بشعراء جوقة المسرح وبالنقيب جورج ابو انطون