المطران صليبا فرقتو خساره
تركت بكل قلوبنا مراره
الانسان هللي بيشعر بآلام
كيف بدو عا الحرير ينام
لما عليه بتقلب الايام
ويوم النهايه بيعمل زياره
لمّا المرض عا صحتو دلّى
قلّو الزمن عن روحك تخلّى
هوّي لأنو للوعي مشعال
تفضّل على جنّة عدن بالحال
قالوا إلو الملايكه وألله
ملكي الزعل صفيت مش ملكي
دمعي عا خدي صار عم يحكي
مطراننا رايح عا تاني كون
خدمات عامل للجوالي هون
كل ما خطر عا بالنا منبكي
مين الما قلبو فيه متعلّق
مين الما كيفو والفرح طلّق
جاني الخبر وتجمهرو الآخات
ومش بس عندي لعلعو الصرخات
بعدو صوابي طاير لهلّق
كنا بدق قلوبنا نقللو
الما بيعرفك شو إنت يا دلّو
بعد الأبانا ونؤمن وآمين
مش بس رح عزّي رجال الدين
بعزّي الجوالي والوطن كلّو
0 comments:
إرسال تعليق