شروقي
تغير مزاج الدني صار الخلاص بعيد
والهم ماشي وركض عم يعرضو كتافو
براسي زرعت الغنا وفرخ طفر بالايد
وعا درب يوم الفرج ضيعت اوصافو
سهرات ما بيلتقى ولا عفارة مواعيد
وعا الارض ما في بقا مشاريع يوقافو
الموسم بكرم الهوى توحم على عناقيد
والوهم شمر زنـد عا ســاعة قطــافو
من زمان قلت لأنا وهلق كلامي بعيد
توب التفاهم صعب تا ينلقط زافو
قيمو االقيامه وتعو نواجه بلا ترديد
حالة جمود وظرف محروق سلاّفو
زيارات زيد وعمر صارو بوقت العيد
ولأخد خاطر إذا من البهدله خافو
وفي ناس متل القمل صارو على التأكيد
إلا براس السنه ما عاد ينشافو
0 comments:
إرسال تعليق