الصفحات

ننشر في هذا الموقع أشعار الشاعر الكبير عصام ملكي

جيتو بمزحه

من حالكم يا هو عا الناس اطلعو
وحاجي بقا حروف الزمان تقاطعو
وحاجي تقولو انت مين وانت مين
وحاجي بقا بجمع المصاري ملبكين
ما في حدا عا المقبره بياخد معو

مش بس جبتو عا الدني معكم نزع
الجو الحلو بوجودكم فيها انتزع
ما في حدا عا الارض مش عابر سبيل
جيتو بمزحه مدبره الله الوكيل
وبدكم تروحو ميتين من الفزع

مفروض انتو تعرفو واعرف انا
علينا قريب الاخ وبعيد الهنا
ليش الحسيده والشريعه والقتال
شو بيمنع تكون المحبه راس مال
ما زال نحنا رايحين على الفنا

مفروض نعبد ربنا مش ننعبد
هيدي حقيقه موجها بيرغي زبد
ما في حدا مش رح بتوقف عربتو
وحيط الصورنا معلقين برقبتو
من المستحيل يضل واقف للابد

0 comments:

إرسال تعليق