الصفحات

ننشر في هذا الموقع أشعار الشاعر الكبير عصام ملكي

هجره

القلم يا شعر عا صهوة مدادو
متل خيّال والاوراق زادو
وخيالي اليوم خيّط فرد قصّه
ولسان الحال دحرج انتقادو

بعدما الوزن اخباري تقصّى
بقوافي وعا المدى رَبّع جوادو
طريق الواقع بوجهي تحصّى
وقلت من بعد ما وقعت بمزادو

حياة الشعر نحنا عا منصّه
وقفنا والوحي قصّب جهادو
علينا امور مهما الدهر عصّى
منبقى للارز سحبة عمادو

هجرنا بلادنا وبالقلب غصّه
وهوني همومنا بالوزن زادو
وكلما ناخد من الكاس مصّه
لهلي بيسمعو منقول نادو

جسدنا للوطن بالموت حصّه
بغربة قهر مش وارد رقادو
وحرف اللي اجا من جبيل وصّى
بعدما يموت جثمانو المحنّط
بتاني يوم يرجع عا بلادو

0 comments:

إرسال تعليق