حاجي بقا من مواقفي تعنّي
دمعي نزل عا خلقتي بنّي
عليكي لاني كل عمري بموت
قولي الي حتى بخيالي فوت
وقت اللي بدك تطلعي مني
صار المشي زعلان من دربي
ولليوم ما نسّم هوا الغربي
عم قلك وطالع حسابي جرد
كلما اجي ازرع طريقك ورد
بيتجقّم المعدور بالضربه
وطبه عا خردق ضايع الايمان
ومنها عا ذوقي طالعه الازمان
وكلما لوضعك تنعمل رسمه
ويسحب لسانو المنطق الرسمي
بيمشي الحرف عا شفتي عريان
وما زال ما بقيتي تستمنّي
يا بو الزلف عا منبري تغنّي
من هون رح سافر عا صهوة دَين
وعا الحيط علق راح مدري لوين
ان كان بدك تسألي عني
0 comments:
إرسال تعليق